Նոր ուսումնական տարին, ինչպես միշտ սկսեցինք ճամփորդությամբ։ Հայրենագիտական ճամփորդությունների ընթացքում քայլարշավները, բարձունքներ հաղթահարելը երեխաների մոտ ձևավորում են կամքի ուժ, դժվարությունները հաղթահարելու կարողություն։ Այս անգամ այցելեցինք Օշական։ Ճամփորդության ընթացքում սովորողները համալրեցինք իրենց հայրենագիտական, աշխարհագրական գիտելիքները, իրականացրեցին էկոլոգիական աշխատանքներ՝ նպաստելով շրջակա միջավայրի պահպանմանն ու բարելավմանը։ Յուրաքանչյուր ճամփորդություն հնարավորություն է ընձեռում բացահայտելու շրջակա միջավայրը՝
Մեր կրթահամալիրում իրականցվող յուրաքանչյուր նախագիծ իր գործունեության տարատեսակ ձևերով նպատակ ունի զարգացնելու սովորողների համակողմնի և ներդաշնակ զարգացումը , նպաստելու նրանց լեզվական, մաթեմատիկական, տրամաբանական, ստեղծագործական, երևակայական մտածողության ձևավորմանն ու զարգացմանը:
Իրականացրել ենք Կրթահամալիրի օրացույցով նախատեսված բոլոր նախագծերը՝
Սեբաստացու օրերին ընդառաջ մեր կրթահամալիրի ամենասպասված ու ամենահաճելի ծեսերից մեկը թթուդրիկի և նրան հաջորդող հարիսայի ծեսի արարողություններն են, որոնց ընթացքում սովորողները ձեռք են բերում ինքնուրույնություն, խմբակային աշխատելու կարողություն։ Այս տոնական օրերի ընթացքում այցելեցինք բուսաբանական այգի, կազմակերպեցինք տոնական միասնական սեղանի խաղեր՝
Մեր կրթահամալիրում մեծ ոգևորությամբ պատրաստվում ենք նաև Ամանորին։ Սովորողների ամենասիրելի զբաղմունքն այդ օրերին տոնածառը զարդարելու համար գեղեցիկ խաղալիքներ պատրաստելն է՝
Ստեղծագործող սեբաստացիների համար տեխնոլոգիական աշխատանքներն ունեն հատուկ նշանակություն։ Այս տարի ունեցանք բազմաթիվ հետաքրքիր մտահաղացումներ։ Մեր աշխատանքներում օգտագործեցինք կոճակներ, գունավոր թղթեր, պլաստիկ շշեր՝ ստանալով ամենաանհավանական և հավանական պատկերներ՝
Բնագիտական գործունեությունը կրտսեր դպրոցում չի կարող առանձնացվել երեխայի ողջ գործունեությունից: Այն ինտեգրվում է ընդհանուր ուսումնական պրոցեսի մեջ` կազմելով դրա բաղկացուցիչ մասը: Բնագիտական փորձերը կարևոր են սովորողների մոտ տարրական հմտություններ ձևավորելու համար, նաև նպաստում են երեխայի կենսափորձի հարստացմանը, աշխարհընկալման ձևավորմանն ու զարգացմանը՝
Հեքիաթներն իրենց յուրօրինակ բովանդակությամբ ստեղծագործական աշխատանքի անսահման հնարավորություն են տալիս։ Դերերով կարդում ենք, մեկս մյուսի համար արտասանում ենք Թումանյան, Աղայան, հորինում ենք Ռոդարիական հեքիաթներ՝
Հետաքրքասեր, պրպտող սեբաստացիների համար կարևոր նշանակություն ունի ռադիոնյութերի պատրաստումը։ Ընտրելով տարբեր թեմաներ, իրականացրեցինք «Հետաքրքրասերների ռադիոաշխարհ» ուսումնական նախագիծը․ ստացանք նոր գիտելիքներ և դրանք փոխանցեցինք մեր ընկերներին՝
Էլ ի՞նչ սեբաստացի, ով չի խնամում իր տարածքը։ Շրջակա միջավայրի բարելավումը մեր առօրյայի բաղկացուցիչն է։ Մենք հոգատար ենք այն միջավայրի հանդեպ, որը մերն է՝
Մենք սիրում ենք մեր բնությունը, սիրում ենք ճանապարհորդել, սովորել, սովորեցնել, ստեղծագործել․«Մխիթար Սեբաստացի» կրթահամալիրը իր կենդանի, ստեղծական, բաց ու անմիջական աշխատանքով նպաստում է սովորողների անհատականության, ինքնուրույնության ու անձի անընդհատ զարգացման գործընթացին։