Բուսաբանական այգում․․․

«Սեբաստացու օրեր»  նախագծի շրջանակում կայացավ մեր հերթական ճամփորդությունը։ Այս անգամ այցելեցինք Բուսաբանական այգի․ նորից ուրախ, նորից ոգևորված, իսկ եղանակը դարձյալ մեզ ողջունում էր իր արևային բարձր տրամադրությամբ։ Փոքրիկ սեբաստացիներն առաջին անգամ էին գտնվում Բուսաբանական այգում։ Ստանալով տեղեկություններ տարբեր բույսերի մասին՝ սկսեցինք մեր քայլքը ողջ այգով, հետաքրքրությամբ նայում և զննում էինք ամեն մի թուփ ու ծառ, որոնք ներկված էին աշնան գույներով։

Ընտրելով արևոտ մի տարածք սկսեցինք նկարել այն ամենն, ինչ տեսնում էինք մեր շուրջը, իսկ մեր շուրջն այնքան գեղեցիկ էր, որ անմիջապես ոգեշնչվեցինք։ Նկարելուց հետո սկսեցինք կատարել չափումներ։ Չափեցինք ծառերի միջև եղած հեռավորությունները։ Այնուհետև խշխշան տերևների մեջ երգեցինք, խաղացինք ու հավաքեցինք հետաքրքիր փնջեր աշնան տերևներից։

Սիրով ներկայացնում ենք մեր ֆոտոշարը՝

 

Реклама

Ճամփորդություն

Սեբաստացու օրեր նախագծի շրջանակում նոյեմբերի 17 -ին կատարելու ենք ճամփորդություն դեպի Բուսաբանական այգի։

Նպատակը՝  ուսումնասիրել Բուսաբանական այգում աճող բույսերի տեսակները, սովորել բույսերի ճիշտ խնամելու կանոնները։

Անհրաժեշտ պարագաներ՝

Գուաշներ, վրձիններ, թղթեր, խոշորացույցներ, մետրեր։

Ընթացքը՝

Սովորողները ուսումնասիրում են այգում աճող ծառերն ու թփերը։ Կատարում չափումներ (չափում են ծառերի, տերևների , թփերի երկարությունները)։ Բնության մի անկյունում  սովորողները նկարում են աշնան թեմայով տարբեր նկարներ: Գունավոր տերևներից պատրասում հետաքրքիր փնջեր։

 

Տրամաբանական և զարգացնող խաղեր

1․ Տրամաբանական խաղ․ << Երկրաչափական պատկերներ>>

Խաղն ամբողջությամբ պատրաստված է փայտից. էկոլոգիապես մաքուր է և անվնաս երեխաների համար: Դետալներն ունեն երկրաչափական տարբեր ֆորմաներ,  որոնք երեխան տախտակի վրա համադրեելով իրար կողք կողքի  կամ իրար վրա ստանում է  տարբեր  պատկերներ։ Խաղը սովորողների մոտ զարգացնում է մանր մոտորիկան, տրամաբանությունը, գույների և ֆորմաների ընկալումը։

2. Զարգացնող  խաղ բժշկական շպատելների օգնությամբ

Խաղի ընթացքը շատ պարզ է.ստեղծում ենք պատկերներ՝ բժշկական շպատելների օգնությամբ: Նախապես ստեղծում ենք էսքիզային տարբերակը, այնուհետև արդեն իսկ որոշված պատկերը գծագրում ենք փայտիկների վրա:Աշխատանքը ավարտին հասցնելու համար նկարում ենք գուաշով և վերջնական արդյունք ստանալու համար լաքապատում: Այս խաղը հետաքրքիր ժամանցի տարբերակ է ,որի կիրառման դեպքում հաճելին և օգտակարը ապահովված  են մեր սովորողների համար:

Խաղը սովորողների մոտ՝

  • զարգացնում է տրամաբանությունը
  • նպաստում խոսքի զարգացմանը
  • բարելավում հիշողությունը
  • նպաստում ուշադրության կենտրոնացմանը
  • զարգացնում է խոսակցական հմտությունները
  • զարգացնում է երևակայությունը